韓國人氣樂隊CNBLUE鼓手姜敏赫,今日單拖現身馬鞍山新港城中心,主持聖誕亮燈儀式,佢一出場即施展冧功,用廣東話跟粉絲打招呼:「大家好,我係敏赫,好耐冇見,好掛住你哋。」
現場有500名粉絲捧場,佢哋即用韓文大叫:「敏赫,我愛你!」敏赫又用韓文作「愛的回應」,非常甜蜜。未知係咪現場人山人海,加上今日天氣都有少少熱,搞到着西裝嘅敏赫不停標汗,佢多次用紙巾抹汗,點知台下粉絲懶理衞生,居然大叫:「我要張紙巾!」哇....
另外,大會安排粉絲上台玩遊戲,並畫聖誕卡送畀敏赫。難得近距離接觸偶像,粉絲都好狼死,紛紛投懷送抱,好彩敏赫見慣大場面,冇被嚇窒,結果引來玩下一個遊戲嘅粉絲,亦有樣學樣,上台第一件事,就係衝埋去攬敏赫。
敏赫大讚香港粉絲熱情可愛,着衫又好睇,佢話:「我今次來港想去蘇豪區,因為知道嗰度有賣家具擺設嘅小店。」
[
本帖最後由 loveyjhs 於 2014-11-23 19:53 編輯 ]