我由中一就開始就跟媽咪一齊飯CN, 今年己經飯左5年了! 每年CN 開 con, 我都會同媽咪一齊去支持! 一直都只覺得自己係散飯，上個星期見到後援公佈攪森林活動，我自問公主病，對綠化環境呢d野，真係識條草∼ 不過見到好多人鬧後援點解唔係公佈演唱會既野，覺得幾好笑所以想入嚟趁下熱鬧，就登記做會員，終於覺得自己係Boice啦！今日見到集資結算，心諗有無攪錯! 人地攪正信9月既生日應援，個個爭住話要集資。但係呢度攪CNBLUE6周年咁重要，日日喺FB微博都係森林集資既post, 但係成個星期先得嗰幾個人集資，仲要有人民幣... 即係內地飯都唔介意集資我地香港既活動, 仲竟然有同我一樣只係㩒幾粒字就登記左做會員既人，要求人地咩有集資先有飛? 咁你集左幾多先? 你集三萬九既話我就無野好講。雖然我只係個讀緊中學既死o靚妹，我都明白集資係對CNBLUE表示對佢地既心意。其實，你究竟係唔係Boice? 有無試過認真咁應援過? 我呢5年做散飯應援既經驗，我都唔敢話自己出過好多力啦! 提議後援招收真正愛CNBLUE既Boice, 個個俾幾十蚊入會就可以買靚位飛，係唔會珍惜的。所以集資情況先咁差....純粹睇唔過眼既個人意見!
[ 本帖最後由 妹妹飯 於 2015-7-14 09:00 編輯 ]
